ಯೊವಾನ್ನ ೭ನೇ ಅಧ್ಯಾಯ
ತನಗೆ ವಿರೋಧಿಗಳು ಹೆಚ್ಚಾಗಿರುವುದನ್ನು ಅರಿತ ಯೇಸು ಪರ್ಣಶಾಲೆಗಳ ಜಾತ್ರೆಗೆ ಹೋಗದೆ ಮನೆಯಲ್ಲಿಯೇ ಉಳಿದು ತನ್ನ ಸೋದರರನ್ನಷ್ಟೇ ಕಳಿಸುತ್ತಾನೆ. ಆಮೇಲೆ ಯಾರಿಗೂ ತಿಳಿಯದಂತೆ ತಾನು ಹೊರಟು ಜೆರುಸಲೇಮ್ ಗುಡಿಯಲ್ಲಿ ಕಾದಿದ್ದ ಜನರಿಗೆ ಬೋಧಿಸ ತೊಡಗುತ್ತಾನೆ.
ಈ ಸುದ್ದಿ ಹಿರೀಕರ ಸಭೆಗೆ, ಮಹಾಗುರುವಿಗೆ, ಫರಿಸಾಯರಿಗೆ ತಿಳಿದು ಅವರು ಸಿಡಿಮಿಡಿಗೊಳ್ಳುತ್ತಾರೆ.
ಆದರೂ ಧರ್ಮಶಾಸ್ತ್ರದ ವಿದ್ವಾಂಸರನ್ನು ಕರೆಸಿ ಯೇಸುವಿನ ಭಾಷಣದಲ್ಲಿ ಬಂಡಾಯದ ಅಥವಾ ಸಂಪ್ರದಾಯ ವಿರೋಧದ ಮಾತುಗಳಿವೆಯೇ ಎಂದು ಪರೀಕ್ಷಿಸುವಂತೆ ಹೇಳುತ್ತಾರೆ.
ಹಾಗೆ ಬಂದ ವಿದ್ವಾಂಸರಿಗೆ ಯೇಸುವಿನ ಮಾತುಗಳಲ್ಲಿ ಏನೂ ತಪ್ಪು ಕಾಣುವುದಿಲ್ಲ.
ಆ ವಿದ್ವಾಂಸರ ತಂಡದಲ್ಲಿದ್ದ ನಿಕೊದೆಮುಸ್ ಮೊದಲೊಮ್ಮೆ ಯೇಸುವನ್ನು ಗುಟ್ಟಾಗಿ ಸಂಧಿಸಿ ವಿಚಾರ ವಿನಿಮಯ ನಡೆಸಿದ್ದವನು.
ಈ ಭೇಟಿಯಿಂದ ಅವರಿಬ್ಬರ ಗೆಳೆತನ ಗಟ್ಟಿಯಾಯಿತು.
ಮುಂದೆ ಯೇಸು ಅವಮಾನಕರವಾದ ಮರಣ ಹೊಂದಿದರೂ ಆತನನ್ನು ಗೌರವಯುತವಾಗಿ ಸಮಾಧಿ ಮಾಡಿದ್ದು ನಿಕೊದೆಮನೆಂಬ ಈ ಗೆಳೆಯನೇ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ